Улаанбаатар хотод 15-аас дээш жил ашиглагдсан 876 цахилгаан шат байдаг гэнэ. Эдгээрээс 2006-2010 онд нийт 135 цахилгаан шат шинэчлэгдсэн бөгөөд одоо 741 цахилгаан шатыг шинэчлэхэд 32.5 тэрбум төгрөг шаардлагатай байгаа юм байна. Нийслэлийн мэргэжлийн хяналтын газраас 2010 онд 270 цахилгаан шатыг цаашид ашиглах боломжгүй гэж үзэн бүрэн зогсоожээ. Цахилгаан шатыг шинэчлэхэд шаардагдах хөрөнгийн 55.0 хувийг улсын төсвөөс, 40.0 хувийг орон нутгийн төсвөөс, таван хувийг СӨХ-аас тус тус гаргана гэж заасан байдаг гэнэ.