Сүүлийн үед иргэд гэр бүлийн хүчирхийлэл, дотны хүмүүсийн хоорондох тааламжгүй харилцаанаас шалтгаалан амиа хорлох явдал ихэсч байгааг Цагдаагийн ерөнхий газраас анхааруулж байна.

Тухайлбал, өнгөрсөн амралтын өдрүүдэд амиа хорлосон гурван ч хэрэг гарчээ. Тодруулбал, Баянзүрх дүүргийн дөрөвдүгээр хороонд 44 настай Д, Сэлэнгэ аймгийн Ерөө суманд оршин суух 42 настай эрэгтэй Д нар учир битүүлгээр амиа егүүтгэсэн байна. Сонгинохайрхан дүүргийн XVII хорооны 32 дугаар байрны есөн давхраас 25 настай эмэгтэй Х унаж нас барсан байна.

Мөн Чингэлтэй дүүргийн VII хороонд 14 настай охин өөрийгөө боомилж амиа хорлосон байдалтайгаар амиа алдсан байжээ. Дээрхи хэргүүдийг дүүргүүдийн цагдаагийн хэлтэст үргэлжлүүлэн шалгаж байна.