УИХ-ын Нийгмийн бодлого, боловсрол, соёл,  шинжлэх ухааны байнгын хорооны хуралдаан болж байна. Тус хуралдаанаар Эрүүл мэндийн тухай хуулийн шинэчилсэн найруулгын төслийн анхны хэлэлцүүлгийг хийж буй юм. Хэлэлцүүлгийн шатанд хамгийн их маргаан дагуулж буй асуудал нь ЭМШУИС-ийн дэргэд эмнэлэг байгуулахыг заавал хуульчлах шаардлагатай юу гэдэг асуудал болж байна. Учир нь байнгын хорооны хуралдаанд оролцож буй гишүүдийн зарим нь ЭМШУИС дэргэдээ эмнэлэгтэй байх нь зөв. Манай УИХ-ын гишүүдийн олонхи БНСУ-ын ЭМШУИС-ийн дэргэдэх эмнэлэгт очиж, эмчилгээ, оношлогоо хийлгүүлдэг. Олон улсын жишигт ч тухайн улсын ЭМШУИС нь дэргэдээ эмнэлэгтэй байдаг. Монгол Улсын Засгийн газар эрүүл мэндийн үйлчилгээг олон улсын жишигт хүргэнэ гэж зорилт  тавьсан. Тиймээс ЭМШУИС нь дэргэдээ эмнэлэг байгуулахад буруудах зүйл байхгүй” хэмээн үзэж буй юм. Тэгвэл УИХ-ын гишүүн Д.Оюунхорол нарын гишүүд “ЭМШУИС нь дэргэдээ эмнэлэгтэй байх уу, үгүй юу гэдгийг заавал хуулиар зохицуулах шаардлагагүй. “Улаанбаатар төмөр зам” хувь нийлүүлсэн нийгэмлэг дэргэдээ эмнэлэгтэй. Үүнийг хуульчлаагүй, үүн дээр маргаад байх шаардлагагүй. Дэргэдээ эмнэлэг байгуулах эсэхээ ЭМШУИС өөрсдөө шийдээд явах бүрэн бололцоотой хэмээн үзэж байна. Эл асуудлыг гишүүдийн санал хураалтаар эцэслэн шийдэх юм.  Хэлэлцүүлэг үргэлжилж байна.