Дахин нэг олон ангит кино мэндэллээ | News.MN

Дахин нэг олон ангит кино мэндэллээ

Хуучирсан мэдээ: 2011.04.06-нд нийтлэгдсэн

Дахин нэг олон ангит кино мэндэллээ

Төгсөө, Билгээ, Болдоо, Ганаа, Золоо бол сайн найзууд. Тэд нэг нэгэндээ тусалж, үргэлж хамт байж, нэг нь нийтийн төлөө, нийт нь нэгний төлөө гэсэн уриатай дотно найзууд. Төгсөө нэгэн уушийн газар ажиллуулдаг. Энэ уушийн газар нь нэг л ажилтантай, энэ бол Төгсөө өөрөө юм. Харин Ганаа гурван ч дээд сургуулийг төгсөлгүй хаясан, юм бүхнийг мэддэг залуу. Гэхдээ жаахан бүтэл муутай. Хүмүүсийг зорьсон газарт нь хүргэж өгөөд  аз жаргалтай амьдардаг хүн бол Болдоо. Багийн машины хорхойтон явсан тэрбээр одоо өөрийн мөрөөдлийн машинаараа салхи татуулан явах дуртай нисгэгч. Таван найзын ганц сарнай нь Золоо. Загвар өмсөгч, мисс болохыг мөрөөддөг байсан Золоо яагаад ч юм зураач, гэрэл зурагчин болчихсон. Билгээ бол жудо бөхийн хүнд жингийн тамирчин. Даанч амжилт гаргаж чадаагүй яваа. Эдгээр таван найзын амьдрал, хайр дурлал, хөгтэй явдлын тухай өгүүлэх таван бүлэгт, 80 ангит уран сайхны кино мэндэлжээ.
Орчин үеийн залуусын төлөөлөл болсон дээрх таван залуугийн тухай өгүүлэх “Амьдралд тавтай морил” олон ангит уран сайхны кино нь энэ сарын 28-наас эхлэн МҮОНРТВ-ээр гарах гэнэ. Одоогоор киноны 50 хувийн зураг авалтыг хийгээд байгаа аж. Энэ кино нь АНУ-ын “Найзууд” олон ангит киноны Монгол хувилбар гэж байгаа. Киноны найруулагчаар Д.Баярсайхан, продюсер Г.Мөнхжаргал, ерөнхий зураглаач Э.Нэргүй, зураач Н.Болор-Эрдэнэ,зохиолчоор Ц.Наранханд нар ажиллажээ. Киноны зохиолчоор ажилласан Ц.Наранхандыг үзэгчид “Надтай гэрлээч” уран сайхны киноны Учралын дүрээр танина. Тэрбээр өмнө нь “Луйврын хот” уран сайхны киноны зохиолыг бичиж байсан туршлагатай залуу зохиолч юм.  Харин киноны гол дүрд Улсын драмын эрдмийн театрын жүжигчин Г.Эрхэмбаяр, жүжигчин Э.Ууганбаяр, Ө.Мөнх-Эрдэнэ, Х.Манлайбаатар, СУИС-ын гуравдугаар дамжааны оюутан О.Дөлгөөн нар тус тус тогложээ.
Сонирхуулахад “Амьдралд тавтай морил” олон ангит киноны 40 дүгээр ангиас хойш үзэгчдээс санал авах гэнэ. Үзэгчид энэ киноны зохиолыг бичих аж. Иймд үзэгчдийн хүсэлтээр сүүлийн 40 ангийн зохиолыг бичиж, киногоо хийхээр төлөвлөөд байгаа гэнэ. Мөн энэ кино нь үзэгчдэд инээд, баяр баясгалан, урам өгнө хэмээн уран бүтээлчид амлаж байгаа юм. Энэ сарын 28-наас үдэш бүр МҮОНРТВ-ээр гарах “Амьдралд тавтай морил” олон ангит киноноос баяр хөөрийг мэдрээрэй.

М.Дөл

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

t 2011-04-06 203.91.117.4

zugeeershdee mongoliin zaluus sain kino hiih heregtei gehdee solongos bolon gadnii kinog duuraih hereggui

Avatar

fd 2011-04-06 202.126.91.248

shal hogiin yum garaad mod duusahguineetusgai salaag dahiad davtaad gargasan deer

Avatar

ok 2011-04-06 49.0.130.188

okok kkkk

Avatar

zochin 2011-04-06 202.131.248.128

Saihan uran buteel hiih gj bgaa zaluu jujigchiddee bayar hurgey Urid umnu ni garch bgaagui sonin sodon kino hiij bgaa gdegt naidaj bn Amjilt husey ta nart

Avatar

zochin 2011-04-06 49.0.157.245

BUgded ni amjilt husiye

NewsMN Гар утасны хувилбар Татах
NEWS.mn

Мэдээллийн эх сурвалж