Хэдийгээр Орон нутгийн ИТХ-ын сонгууль өндөрлөөд арав гаруй хонож, тэр бүү хэл ирц гүйцээгүй хэсгүүдэд дахин сонгууль болоод дууссан байхад Дундговь аймагт маргаан тасраагүй л байна. Хэд хэдэн аймаг ИТХ-аа хуралдуулж Ерөнхий сайдтай зөвшилцөн Засаг дарга нараа томилчихоод байхад Дундговь аймгийнхан Иргэдийн Хуралтай манатай болж хоцорчээ. Энэ янзаараа бол шинэ он гарахад Засаг даргагүй сууж байж мэдэхээр болоод буй гэнэ.

Яг одоо дуу хуурын орон Дундговь аймагт шашнаар сурталчилгаа хийгч МАН, төрийн хуулийн дагуу өрсөлдөгч АН-ын хооронд ширүүн тэмцэл өрнөж буй гэнэ.

МАН-аас орон нутгийн сонгуульд нэр дэвшигчид сурталчилгаандаа шашин шүтлэг, лам хувраг, маань мэгзэм ашиглаж, санваар, сахилтнуудтай хамт авахуулсан патиараа сонгогч, сүсэгтнүүдэд тараан элдэвлэж сонгуулийн сурталчилгаагаа хийжээ.

Тэгсэн атлаа АН-ын нэр дэвшигчийг лам нарын ард зургаа авахууллаа хэмээн МАН-ын нэр дэвшигчид заргалдсан гэнэ. Гэвч эцсийн дүндээ МАН-ын таван ч нэр дэвшигч сурталчилгааныхаа явцад хууль зөрчиж татуулахад хүрчээ.

Энэ мэтээр шашин, төрийн тэмцэл өрнөж Дундговийнхон ИТХ-аа ч хуралдуулж чаддаггүй, Засаг даргаа ч томилуулж чадалгүй өдий хүрээд байгаа аж.