Төрийн өмчийн эмнэлгүүдийн эмч нар иргэдэд төлбөртэй үйлчилгээ үзүүдэг болсон. Гэтэл эмч нарын авч байгаа энэ мөнгө төсөвт төвлөрөх нь ховор байдаг байна. Өөрөөр хэлбэл, эмнэлгүүдэд иргэдийн зүгээс төвлөрч байгаа мөнгөний авдар цоож цуургагүй, хяналтгүй  ил задгай байдаг гэх шүүмжлэлийг хяналтынхан дэвшүүллээ. Үүднээсээ эхлээд харьцаа муутай, өвчтөнгүүдээ загнадаг, аашилдаг харилцааны соёлоос эхлээд эмнэлгүүдийн алдаа ганц биш, зөрчил дутагдал дүүрэн байгаа нь баримтаар илрэв.

Мэргэжлийн эмчгүй мөн дээр нь мэс заслын тусламж, үйлчилгээтэй холбоотой хагалгааны хүндрэл болон хагалгааны дараахь нас баралт нэмэгдсэний дийлэнх хувь нь хагалгааны тактикийн, технологийн алдаа байдгийг хяналтынхан тогтоожээ. Мөн дээр нь алдаа гаргасан эмч нарт хариуцлага тооцох механизм байдаггүй, сануулсан төдий толгойг нь илээд өнгөрдөг байдлаас үүдэн нөмрөг зүүсэн эрлэгийн элч олон болоод байна уу гэсэн асуулт гарч байна.