Жүжигчин Брюс Уиллис АНУ-ын Айдахо мужид орших хувийн цанын баазаа хотын оршин суугчдад бэлэглэжээ. Тус мужийн Ферфилд хот дахь Цэргийн уул гэх газар орших багахан хэмжээний цанын баазаа тэрбээр хотын ашгийн бус нэгэн байгууллагад шилжүүлсэн байна.

“Soldier Mountain” хэмээх уулын цанын бааз нь 1150 акр талбайг хамрах бөгөөд хоёр ч өргөгч замтай гэнэ. 1940 оноос тасралтгүй ажиллаж байгаа аж. Нэгэнт хотын оршин суугчдын мэдлийнх болсон тул одоо тус баазаас олсон ашиг, орлогыг хотын төсөвт төвлөрүүлж, цаашид тус баазыг өргөтгөн шинэчлэх гэнэ.