ДОХ-ын халдвар тээгчдийн тоогоор Орос Африкийн дараа дэлхийд хоёрдугаарт орж байна. ДОХ ХДХВ-тэй тэмцэх эрх баригчдын арга хэмжээ үр дүнд хүрэхгүй байгааг шинжээчид мэдэгдэв.

Он гарснаас хойш ДОХ-ын халдвар авсан хүмүүсийн тоо нь Орост 60 мянгаар нэмэгдэв. Ирэх жилд тэдний тоо дахин 70 мянган хүнээр нэмэгдэнэ гэж мэргэжилтнүүд үзлээ. Сүүлийн таван жилийн дотор ДОХ-ын халвар авсан хүмүүсийн тоо 370 мянгаас 703 мянга болон өсчээ. Энэ талаар ДОХ-той тэмцэх холбооны шинжлэх ухаан, арга зүйн төвийн удирдагч Вадим Покровский "Интерфакс" агентлагт ярьсан байв.

Покровский тэмдэглэснээр, Орост нэг өдрийн дотор үхлийн энэ өвчнөөр өвчлөгсдийн тоо 200-аар нэмэгдэн халдвар авсан хүмүүсийн төвшин  хүн амын нэг хувь болоод байгаа аж. Энэ үзүүлэлтээр Орос  Украины хамт дэлхийд хоёрдугаарт бичигдэн, Африкийн дараа явж байгаа гэнэ. Эдгээр жилүүдэд Орост халдвар тээгч 17 592  гадаадын иргэд бүтгэгджээ.

Орост энэ аюултай өвчний эсрэг тэмцэл үр дүн муутай байгааг  Покровский анхааруулжээ. Асуудлыг үр дүнд хүргэхийн тулд ерөнхий сайдын орлогч нарын нэгээр толгойлуулсан тусгай комисс гаргах хэрэгтэйг тэр  анхааруулжээ.
 
Баруун Европт ДОХ-ын халдвар тээгч нь одоо хүн амын 0,3 хувийг эзэлж байна. Германд ДОХ-ын халдвар тээгч 78 мянган хүн байгаа ба энэ жилд зөвхөн 3400 тохиолдол шинээр илрэв. Уг өвчнөөр 550 хүн мөнх бусыг үзүүлжээ.