Дуучин Жастин Бибер удаан хугацааны дараа эх орон Канаддаа эргэн иржээ. Тэрээр өнгөрөгч ням гаригт Канадын Торонто хотод болсон хөлбөмбөгийн “Grey Cup” тэмцээний үеэр ая дуугаа өргөсөн байна. Гэвч хөтлөгч Жастин Биберийн нэрийг хэлж, түүнийг тайзан дээр гарч ирэхийг зарлатал Канадын хөлбөмбөгийн олон мянган фанатууд түүнийг үл тоомсорлосон, орилолджээ.

Тэд Жастин Биберийг "Boyfriend", "Beauty and a Beat" зэрэг дуунуудаа дуулж дуустал ийнхүү хашгиралдсан гэнэ. Гэсэн ч Жастин Бибер үүнийг тоолгүй дуугаа дуулж дуусгаад, “Та нарт маш их баярлалаа. Хайртай шүү” гэж хэлээд тайзнаас буужээ. Дээрх тоглолтод Жастин Биберээс гадна Канадын дуучин Карли Рей Жепсен, “Nickelback” рок хамтлаг, Америкийн дуучин  Ленни Кравиз нар ая дуугаа өргөж, хөлбөмбөгчдөд урам хайрласан гэнэ.