“Улаан чөтгөрүүд”-ийн домогт дасгалжуулагч Сэр Алекс Фергюсон “экс” тоглогч Криштиан Рональдуг “Олд Траффорд”-д эргүүлэн авчирах хүсэлтэй байгаагаа илэрхийлжээ. Португалийн хамгийн алдартай хөлбөмбөгч экс дасгалжуулагчаа “хөлбөмбөгийн эцэг” хэмээн хүндэтгэж байсан удаатай. “Реал Мадрид”-д очсоноос хойш тэрээр 162 тоглолтод 165 гоол оруулсан бахдам амжилттай яваа. Харин Рональдуг “Мөрөөдлийн театр”-таа эргүүлж авчрах нь бараг л бүтэхгүй зүйл. “Түүнийг багтаа эргүүлж авчрах нь үнэхээр амаргүй. Гэхдээ бид хичээх болно. Түүнийг явснаас хойш Зул сарын баярын хамгийн нандин хүсэл Рональдуг багтаа эргүүлэн нэгтгэх. Энэ бол бүх тоглогчдын, багийн хөгжөөн дэмжигчдийн л хүсэл юм” гэж “Манчестер Юнайтед” багийн ерөнхий менежер Сэр Алекс Фергусон ярьжээ.

Рональду “МанЮ”-гийн төлөө 2003-2009 оны хооронд долоон жил хүчин зүтгэсэн билээ. Харин 2009 оны солилцоо наймааны үеэр “Реал Мадрид”-д 80 сая фунтээр очсон нь хөлбөмбөгийн түүхэн дэх хамгийн үнэтэй тамирчны алдрыг түүнд авчирсан юм.