УИХ-ын Төрийн байгуулалтын байнгын хорооны хуралдаан өнөөдөр 13.30 цагт зарлагдсан ч гишүүдийн ирц бүрдэхгүйгээс хуралдааныг хойшлууллаа. Уг нь тус байнгын хорооны хуралдаанд байнгын хорооны дарга А.Бакей болон УИХ-ын гишүүн Н.Энхболд, Д.Оюунхорол, Х.Наранхүү нар оролцохоор ирээд байсан юм. Мөн “Шударга ёс” эвслийн бүлгийн дарга, УИХ-ын гишүүн Н.Батцэрэг ирсэн байсан ч бусад гишүүдийг ирэхийг хүлээж суусаар залхсан бололтой, танхимыг орхиж гарсан юм. Байнгын хороогоор УИХ дахь МАН-ын гишүүдийг бүлэгтэй болгох асуудлын хэлэлцэхээр төлөвлөөд байв.