Урлагийн ертөнцөд хүчирхэг хоолойгоор ялгарч чаддаг авьяаслаг бүсгүйчүүдийн тоглолт маргааш “АСА” циркт болох гэж байна. Охидын ууган хамтлагийн нэг “Sweetymotion”-ын 15 жилийн ойн баяр энэ жил тохиож байгаа билээ. Төрсөн өдрийн баяраа анх удаа фенүүдтэйгээ тэмдэглэхээр нүсэр тоглолтын бэлтгэлээ хангаад байгаа тэд мөн ойдоо зориулж, шинэ цомог гаргах юм.

“Sweetymotion”-ынхон ойн тоглолтод үлээвэр найрал хөгжим, амьд хөгжмийн хамтлаг оролцож, хуучны  хит дуунуудаа шинэчилсэн найруулгаар хүргэх юм. Мэдээж тэдэнтэй хамтран уран бүтээл хийсэн эрхмүүд ч энэ үдшийн зочид байх нь. Тоглолт Улсын циркт маргааш, нөгөөдөр хоёр өдөр болох ба тасалбарнь суудлаасаа хамаарч 20, 30, 50 мянган төгрөгийн үнэтэй юм байна.

Сонирхуулахад, тэд 15 жилийн ойдоо зориулан 15 комик цуврал гаргасан  бөгөөд цувралыг “Sweetymotion” хамтлагийн фейсбүүк хуудсаар дамжуулан фенүүддээ хүргэж байгаа юм.