Санхүүгийн зохицуулах хорооны удирдлагыг УИХ-аас зургаан жилийн хугацаатай томилдог. Харин одоо тус хорооны дарга Д.Баярсайхан, дэд дарга Д.Дүгэржав нарын бүрэн эрхийн хугацаа дуусгавар болж байгаа гэнэ. Санхүүгийн зохицуулах хорооны удирдлагатай холбоотой асуудлыг энэ хаврын чуулганаар хэлэлцэх юм байна. Тус хорооны дарга Д.Баярсайхан энэ албыг хашихдаа багагүй хэл аманд орооцолдож, Анод, Зоос банкны хэрэгт холбогдуулан цагдаагийн байгууллагаас шалгаж байсан. Харин одоо түүний бүрэн эрхийн хугацаа дуусгавар болж байгаа болохоор УИХ-аар ажлаа дүгнүүлэх нь ээ.