Японы мэргэжлийн сумо бөхийн арваннэгдүгээр сарын кюүшю башёгийн дөрөв дэх өдрийн барилдаан өнөөдөр боллоо. Мэргэжлийн сумо бөхийн 70 дахь ёкозуна Харумафүжи Д.Бямбадорж өнөөдөр зүүн жигүүрийн маэгаширагийн хоёрт эрэмбэлэгдсэн Шохозантай учраа тааран барилдаж, шитатэнагэ мэхээр давснаар башёгийн гурав дахь даваагаа авлаа. Мөн өнөөдөр их аварга Хакухо М.Даваажаргал Кайсэйтэй хүч үзэн барилдаж, уватэнага мэхээр өрсөлдөгчөө яллаа. Мөн озэки Какурюү М.Ананд комүсүби Хомашог давснаар гурван даваатай болов.

Макүүчи зиндаанд барилдаж Монголын бусад бөхчүүдийн тухайд Кёкүтэнхо Н.Цэвэгням Ёшиказэд, Шотэнро Д.Нямсүрэн Гагамаруд, Токитэнкү А.Хүчитбаатар Вакакоюүд, Тамаваши Б.Мөнх-Оргил Китатайкид тус тус өвдөг шорооджээ.