Кристал Паласын шинэ менежер Иан Халловей өөрийн багийн залуу довтлогч Вилфрэд Захагийн талаар онцгой, байгалиас заяасан авьяастай хэмээн магтжээ. 20 настай залуу довтлогчийг Английн шигшээ багийн дасгалжуулагч Рой Хожсон Шведтэй хийх нөхөрсөг тоглолтын гарааны 11-т дуудсаны дараа Англи даяар түүний ирээдүйн талаар ярилцаж байгаа юм. “Кристал Паласаас гарсаны дараа яах бол, ямаршуухан ирээдүй хүлээж байгаа бол, хэр зэрэг амжилт гаргах бол гэж хүмүүс ярьж байна. Тэр бол залуу тоглогч бүх боломж түүнд бий. Гэхдээ яг одоо бол тэр манай багт байна. Тэр бөмбөгөө туугаад явж байхад хэн ч түүнд хүрч чаддаггүй, цохьлоо л бол гоол болдог тийм тоглогч. Өндөр төвшинд тоглох бүх боломж түүнд бий” гэж Дейли Миррор сонинд өгсөн ярилцлагадаа Кристалын шинэ босс Иан Халловей ярьжээ. Заха нь Зааны ясан эргийн Абиджан хотод төрсөн бөгөөд бага насандаа Англид ирж энэ улсын иргэн болсон байна. Түүний тоглолтыг мэргэжилтнүүд өндөрөөр үнэлж байгаа бөгөөд Фулхэм, Эвертон, Сандерлэнд багууд авах хүсэлтээ илгээгээд байгаа юм. Ливерпүүл баг ч залуу довтлогчийг авах хүсэлтэй байгаагаа ирүүлээд байгаа ажээ. Иан Халловей менежерийн ярьснаар зуны солилцоо наймааны цонх нээгдтэл явуулахгүй юм байна.