Хар тамхи зөөвөрлөсөн нэр бүхий 44 хүнд холбогдох хэргийг Улсын мөрдөн байцаах газрын Хар тамхи мансууруулах бодистой тэмцэх хэлтсээс нэмэлт мөрдөн байцаах ажиллагаа явуулж дуусч, өчигдөр нийслэлийн Прокурорын газрын Мөрдөн байцаах хоёрдугаар хэлтсийн хяналтад шилжүүлжээ. Уг хэрэгт сэжигтнээр татагдсан дээрх 44 хүн  бүлэглэн   БНХАУ-ын Гуанжоу хотоос Филиппин, Бангладеш улс руу удаа дараа  хар тамхи зөөвөрлөсөн хэрэгт  шалгуулж байгаа юм. Эл хэргийг өнгөрөгч хоёрдугаар сарын 15-ны өдөр   хяналтын прокурор нотлох баримт хангалтгүй гэсэн үндэслэлээр нэмэлт ажиллагаа явуулах даалгавар бичиж мөрдөн байцаалтад буцааж байжээ.