МАХН-ын дарга Н.Энхбаяр тэргүүтэй сөрөг хүчнүүдийн нэгд­лээс өнөөдөр болох УИХ-ын чуулганы нээлтэд гур­ван зүйл бүхий шаардлага хүр­гүүлэхээр зэхэж байгаа гэнэ. Тэд­ний шаардлага часхийсэн гурван том сэдвийг хөндөх бөгөөд түүний дотор мөнөөх дол­дугаар сарын 1-ний үймээ­ний талаарх асуудал орох та­лаар ойрын эх сурвалжууд нь мэдээлж байна. Ийнхүү өдөөн хатгалгаа зөвхөн хувь хүн С.Баярт  чиглүүлэх бус УИХ-д хаяг­лах нь зөв гэж тэрбээр үзсэн бололтой. Гэвч иргэний нийг­мийн байгууллагуудын тавьсан шаардлагыг УИХ-д хүргэхэд Тамгын газрын дарга нь удтал хүлээлгэн байж гарч ирээд  “хүн­дэтгэлтэйгээр” хүлээн авч, “Уламжилъя” хэмээгээд ор­чих­дог  тэр л жишиг экс Ерөн­хийлөгч ба түүний нөхдөд үйлчлэх биз ээ. Эрх барьж буй хүмүүстэй “дороос” харил­цахын зовлон, жаргалыг Н.Энхбаяр одоо л амсах нь.