Японы томоохон үйлдвэрүүдийн нөхцөл байдал ирэх гурван сард улам дордож болзошгүйг Японы Төв банкны  судалгаа харуулж байна.
Өнгөрсөн сарын 11-нд болсон газар хөдлөлт, цунами Японы хойд эр­гийн мужийн цахил­гааныг та­салж, цөмийн ал­дагдал бий бол­госон юм. Япон валютын бодлогоо тодорхойлохын тулд дээрх судалгааг хийсэн байна.  Төв банкны дээрх судалгаа газар хөдлөлтийн өмнөх болон дараах байдлыг тусгасан олон нийтийн санал асуулгаас бүрджээ.  Газар хөдлөлтийн дараа  томоохон үйлдвэрүүдийн индекс  зургаан хувьтай байжээ. “Ийм гамшиг тохиолдсоны дараа эерэг үзүүлэлт гарсан нь үнэхээр хачирхалтай. Итгэхэд ч бэрх” гэж “Daiwa SB Investments”-ийн Койчи Огава ярьжээ.  Гэвч зарим ажиглагчид  дээрх судалгааг ор үндэслэлгүй гэж үзэж байгаа юм.  Газар хөдлөлтийн гамшгаас үүдэлтэй хохирол, цөмийн хямралаас гарч чадахгүй байгаа компани, үйлдвэрүүд Японд олон байгаа тухай дээрх судалгааг хийсэн  “Мизуо” судалгааны төвийн шинжээч Ясуо Ямамото ярьжээ.