ХДХВ-ийн халдварын 116 дахь тохиолдол бүртгэгджээ. ХӨСҮТ-д  өнгөрөгч аравдугаар сарын 26-ны өдөр идэвхтэй тандалтын хүрээнд шинжилгээ өгсөн үйлчлүүлэгчийн сорьцонд хийсэн шинжилгээгээр халдвар илэрч, онош нь батлагджээ. ХӨСҮТ-ийн бидэнд өгсөн мэдээллээр 116 дахь тохиолдол 25-29 настай, эрэгтэй хүнд илэрсэн байна. Одоогоор өвчтөний биеийн байдал сайн байгаа бөгөөд эмнэлгийн хяналтанд байгаа аж. Дашрамд дурьдахад Монгол Улсад анх энэ өвчний тохиолдол 1992 онд бүртгэгдэж байсан билээ.