Дээд шүүхийн Иргэний хэргийн танхимын
хуралдаанаараа “Монголын Ногоон нам”-ын дүрэмдээ оруулсан өөрчлөлтийг
бүртгүүлэх тухай Д.Басандорж, О.Бум-Ялагч нарын өргөдлийг хэлэлцлээ.

Хуралдаанаас тус намын дүрэмдээ өөрчлөлт оруулах асуудлыг хэлэлцсэн 2011
оны 2 дугаар сарын 19-ний өдрийн ээлжит бус их хурлын шийдвэрийг хууль
бус гэж үзжээ. Учир нь ээлжит бус хурлыг хуралдуулах шийдвэрийг гаргасан
20 гишүүний гурав нь л бага хурлын гишүүн байсан гэнэ. Тус намын дүрэмд
“Бага хурлын гишүүдийн дийлэнх олонхийн саналаар их хурлыг хуралдуулна”
гэсэн заалттай зөрчилдсөн байна гэж үзлээ. Иймээс Дээд шүүх Улс төрийн
намын тухай хуулийг үндэслэн Ногоон намын дүрмийн өөрчлөлтийг бүртгэхээс
татгалзав.