УИХ-ын Төсвийн байнгын хороо өнөөдөр өглөө 08.30 цагт хуралдах байсан ч 11.00 цагт болгон хойшлууллаа. Харин одоо Төрийн байгуулалтын байнгын хорооны хуралдаан хуралдаж байна.

Тус байнгын хорооны хуралдаанаар Монгол Улсын Ерөнхийлөгчийн өргөн барьсан УИХ-ын дэгийн тухай хуульд өөрчлөлт оруулах тухай хуулийн төслийг хэлэлцэхээр төлөвлөөд байсан юм. Тиймээс энэ хуралдаанд МАН-ын гишүүд мөн оролцсон. Гэтэл энэ төслийг долоо хоногоор хойшлуулах хүсэлтийг АН-ын зүгээс гаргав. Тэдний зүгээс УИХ-ын дэгийн тухай хуульд өөрчлөлт оруулах буюу МАН бүлэгтэй болох асуудлыг долоо хоногийн хугацаагаар хойшлуулах хүсэлтээ Төрийн байгуулалтын байнгын хороонд гаргасан юм. Ингээд дээрх асуудлаар санал хураалт явуулж, УИХ-ын дэгийн тухай хуульд өөрчлөлт оруулах тухай хуулийн төслийг хэлэлцэх асуудлыг долоо хоногийн хугацаатай хойшлууллаа.