Их Британи “давар рецесс”-ээс (хямралын дараах дотоодын нийт бүтээгдэхүүний үйлдвэрлэлийн хоёр улирал дараалан давтагдсан уналт) гарлаа. 2012 оны гуравдугаар улирлын дүнгээр тус орны ДНБ нэг хувиар өссөн тухай Bloomberg мэдээлэв. Мэдээж хэрэг өсөлтөд нөлөөлсөн хүчин зүйл нь  наймдугаар сард Лондон хотноо зохион байгуулсан Зуны олимпийн наадам.  

Олимпийн наадмын үеэр зөвхөн тэмцээн, уралдааны тасалбарын орлого ДНБ-ний өсөлтөд 0,2 хувийг нэмсэн байна. Үйлчилгээний салбар 1,3 хувиар, аж үйлдвэрлэлийн өсөлт 1,1 хувиар нэмэгдсэн бол харин барилгын салбарын цар хүрээ 2,5 хувиар унажээ. Эдгээр мэдээллийг Английн банк 375 тэрбум фунт стерлингийн үнэт цаас худалдан авах хөтөлбөрөө үргэлжлүүлэх эсвэл өргөжүүлэх шийдвэрийг гаргахаас хоёр долоо хоногийн өмнө нийтэлсэн байна. Ер нь бол тус хөтөлбөр үргэлжлэх нь тодорхой байгаа бөгөөд дэмжлэг хэрэгтэй байгаа ажээ.