Булган аймгийн таван сумын найман аж ахуйн нэгж Өвөрхангай аймагт зохион байгуулсан “Хангайн бүсийн түншлэл-2012” арга хэмжээнд оролцжээ. “Шинэ тэнгис” компанийн үйлдвэрлэсэн мөсөн чихэр арга хэмжээний шалгаруулалтаар орон нутгийн онцлог бүтээгдэхүүний шагнал авчээ. Тус аймгийн хүнсний үйлдвэр 1940 оноос хойш мөсөн чихэр үйлдвэрлэж эхэлсэн нь нутгийнхны гадаадын зочид гийчдэд барьдаг “брэнд” болсон билээ. 

Мөн Хишиг-Өндөр сумын “Гүми Хишиг-Өндөр” компанийн үйлдвэрлэсэн бяслаг “Импорт орлох шилдэг бүтээгдэхүүн”-ээр, Хутаг-Өндөр сумын “Хонгор Агро” компанийн үйлдвэрлэсэн арвайн гурил “Экологийн цэвэр бүтээгдэхүүн”-ээр шалгарсан байна.