НҮБ-ын Хүнс, хөдөө аж ахуйн байгууллагаас жил бүр зохион байгуулдаг Ази номхон далайн бүсийн тэргүүлэх улсын шилдэг аж ахуй нэгжүүдийг тодруулдаг уламжлалтай. Энэхүү шагналыг Тайландын Вант улсын эрхэмсэг гүнж Ази номхон далайн орнуудаас дөрвөн улсын аж ахуй нэгжийг сонгон шалгаруулж, мөнгөн шагналаар шагнасан байна. Монгол Улсаас “Түмэн шувуут” ХХК-нийхан шилдэг фермер эрхлэгч аж ахуй нэгжээр тодорсон байна. Энэхүү шагналыг дагаж, 25 мянган Тайланд бат өгдөг бөгөөд  тус компанийхан энэхүү шагналын мөнгө болох Хүүхдийн төлөө төвийн харьяаа “Хүүхдийн эрхийг хамгаалах үндэсний төв” боло Баянзүрх дүүргийн “Өрхийн тариалан эрхлэгч” нарт хандивлаж байгаа юм байна.

Үйлдвэр, хүнс, хөдөө аж ахуйн яамнаас аравдугаар сарын 15-ныг Хүнсний өдөр болгон тэмдэглэсэн. Дэлхийн олон улс орон энэ өдрийг Хүнсний өдөр болгон тэмдэглэдэг аж. Энэ өдрийг тохиолдуулан НҮБ-ын Хүнс, хөдөө аж ахуйн байгууллагад монголын шилдэг фермерүүдийн саналыг хүргүүлсэн бөгөөд тус компани шалгарсан аж. “Түмэн шувуут” ХХК-ний захирал Ж.Болд “Тайландын гүнж нь хүүхдийн төлөө сайн үйлс бүтээж, ядуу иргэдэд дандаа тусалдаг учраас энэ удаагийн шагналыг мөнгийг бид асрамжийн газрын хүүхдүүд болон өрхийн орлогоо нэмэгдүүлэх хүсэлтэй иргэдэд олгож байгаа юм” гэлээ.

Үндэсний үйлдвэрлэгч “Түмэн шувуут” ХХК нь 2004 оноос хойш үйл ажиллагаагаа явуулж байгаа бөгөөд одоогоор дотоодын өндөгний зэх зээлийн 40 хувийг нийлүүлдэг аж. Өмнө нь Монгол Улсаас 2005, 2009 онуудад мөн энэ шагналыг фермерүүд хүртэж байсан юм байна.