Германы канцлер Ангела Меркелийн тойг гэмтэж, пүрэв гаригт мэс засал хийлгэсэн байна. Тэр өдрийнхөө орой канцлер эмнэлэгээс гарсан гэнэ. Хэсэг хугацаанд канцлер таягтай явах бололтой. Канцлер гэрээс ажлаа хийж байгаа ч Ганноверийн үзэсгэлэнгийн нээлтийг ням гаригт хийх болсон байв. Гэхдээ канцлер үзэсгэлэнг үзэж чадахгүй гэнэ.Гуравдугаар сарын 30-нд Ангела Меркель Германы банкны ажилтнуудын XIX их хуралд үг хэлэх байснаа болиулсан нь санхүүгийн хүрээнд түгшүүр төрүүлсэн. Үүнээс үүдэн хөл нь өвчтэй ч канцлер үгээ хэлэхээр шийдсэн аж. Дараа нь тэрбээр эмнэлэгт хүргэгдэн мэс засалд оржээ. Меркель Улаан өндөгний баяраар биеэ сайжирсан байна гэдэгт найдаж буйгаа илэрхийлжээ.
