Аравдугаар сар гэхэд ОХУ-ын Засгийн газрын орлогч дарга нар ба Холбооны сайд нарыг төрийн оролцоотой 17 компанийн захирлуудын зөвлөлөөс гаргана гэв. Хөрөнгө оруулалтын орчныг сайжруулахын тулд ерөнхийлөгч Дмитрий Медведев энэ санаачлагыг гарган хэрэгжүүлж байна. Төрийн компаниудаас гарах хүмүүсийн жагсаалтыг дөрөвдүгээр сарын 2-нд ерөнхийлөгчийн албаны сайтад гаргажээ.ВТБ банк ба ЗАО “Акционерная компания АЛРОСА” компанийн захиргааны зөвлөлийг Сангийн сайд Алексей Кудрин орхино. Ерөнхий сайдын нэгдүгээр орлогч Виктор Зубковыг “Россельхозбанк”, “Росспиртпром” ба “Росагролизинг” компаниудаас, ерөнхий сайдын орлогч Игорь Сечинийг “Роснефть”, “Роснефтегаз” ба ИНТЕР РАО ЕЭС компаниудын захиргаанаас тус тус гаргах ёстой.
“Оборонсервис”-аас Батлан хамгаалахын сайд Анатолий Сердюковыг, “Русгидро”, “Газпром” ба “Зарубежнефть” компаниас Эрчим хүчний сайд Игорь Левитиныг, ОАО “Международный аэропорт Шереметьево” ба ОАО “Аэрофлот–российские авиалинии” компаниас Тээврийн сайд Сергей Шматког, “Объединённой зерновой компании” –иас Хөдөө аж ахуйн сайд Елена Скрынникийг, “Инвестиционной компании связи” ба “Первый канал”–аас Холбооны сайд Игорь Щеголевыг тус тус ТУЗ-өөс гаргах гэнэ.
