Хар тамхи тээвэрлэсэн, хадгалсан хэргээр анхан болон давж заалдах шатны шүүхээс 11 жилийн ял сонссон улсын начин Ц.Улаанхүүгийн гомдлыг өнөөдөр Улсын дээд шүүхэд хэлэлцлээ. Шүүх бүрэлдэхүүн өмнөх шатны шүүхээс оноосон чанга дэглэмтэй хорих ангид 11 жилийн ял эдлэх шийдвэрийг хэвээр үлдээсэн байна.

Дундговь аймгийн харьяат, улсын начин Ц.Улаанхүүг сэтгэцэд нөлөөлөх эм, бэлдмэл, бодисыг борлуулах зорилгоор хууль бусаар олж авсан, хадгалсан, тээвэрлэсэн, илгээсэн, борлуулсан  гэх  үндэслэлээр  яллаж байгаа юм. Түүнийг 43 ширхэг капсул, нийт 523 грамм мансууруулах бодисыг иргэн н.Болдбаатарт заруулахаар өгсөн хэрэгт буруутгасан.