Сүхбаатар дүүргийн VII хороо, Залуучуудын гудамжинд байрлах “Орчлон” дунд сургуулийн сурагчид учир битүүлгээр өвдөж, гурван сурагч ХӨСҮТ-д хэвтэн эмчлүүлсэн. Сургачдад энэ сарын 10-нд бөөлжих, толгой эргэх, халуурах, гэдэс базлах, гүйлгэх зэрэг шинж тэмдэг илэрсэн юм. Халдварт өвчин судлалын үндэсний төвөөс өнгөрсөн пүрэв гаригт ажлын хэсэг гарч, Орчлон сургуулийн 200 гаруй хүүхдээс авсан шинжилгээний хариу гарчээ. Энэ талаар ХӨСҮТ-ийн эх сурвалжаас тодруулахад, “шаардлага хангаагүй хүнсний бүтээгдэхүүнээс хордлого авсан нь тогтоогдсон” гэсэн юм. Энэ талаар “Орчлон” сургуулийн гүйцэтгэх захирал Ц.Жаргалмаагаас тодрууллаа.

-Шинжилгээний хариу гарсан байна. Ханиад биш болж таарман гэж үэнэ үү?
 
-Манай сурагчдаас авсан шинжилгээний хариугаар 16 хүүхдээс гэдэсний халдварт нян илэрсэн байна.

-Тэгэхээр “Үдийн хоол”-нд ямар нэгэн “но” байсан гэсэн үг үү?

-Манай дээр яг одоо Сүхбаатар дүүргийн Мэргэжлийн хяналтын байгууллагын ажлын хэсэг ажиллаж байна. Хоолноос дээж авсан гэж ойлгож болно.

-Гэдэсний нян илэрсэн гэх сурагчид нэг ангийнх уу?

-Ер нь бол өөр өөр ангийн сурагчид байгаа. Энэ талаар дэлгэрэнгүй ярьмааргүй байна.

-ХӨСҮТ-д эмлүүлж байсан сурагчдын биеийн байдал ямар байна вэ?

-Манай гурван сурагч хэвтэн эмчлүүлсэн. Тэд одоогоор эмнэлгээс гарч, гэртээ эмчлүүлж байгаа.

-Танай сургуулийн хэсэг сурагчид “Гурван гал” эмнэлэгт хэвтэн эмчлүүлж байна гэсэн мэдээлэл байна. Үнэн үү?

-Харин тийм яриа тархаад байгаа юм. Бид “Гурван гал” эмнэлгийн холбогдох хүмүүсээс энэ талаар тодруулах гэсэн боловч хувь хүний мэдээллийг гадагш нэвтрүүлэхгүй гэж байсан.

-Тэр өдөр хүүхдүүд ямар хоол өгсөн юм бэ, хоолноос хордсон юм биш биз?

-Бид хоолонд ямар нэгэн асуудал байсан гэж хэлэхгүй. Тэр өдөр хүүхдүүдэд ямар хоол өгснийг тодорхой хэлмээргүй байна.

-Хүүхдүүдийн үдийн хоолыг хаана бэлтгэдэг вэ?

-Сургуулийн байрандаа.

-Улсын сургуулийн нэг сурагч өдрийн 400 төгрөгний хоолны нормтой. Танайх…?

-Манай сурагчдын хоолны мөнгийг эцэг, эхчүүд өөрсдөө гаргадаг.