Өнөөдөр дэлхий нийтээр гар угаах өдөр тохиож байна. Энэ өдрийг тохиолдуулан Эрүүл мэндийн яамнаас Ялалтын талбайд 14.00 цагт гар угаах өдөрлөгийг зохион байгуулж байна. Дэлхийн олон оронд энэ өдрийг тэмдэглэж, олон нийтэд зөвлөгөө өгдөг аж.

Гар угаах ариун цэврийг хүн бүр хэвшүүлснээр элдэв, нян бактериэс өөрийгөө болон бусдыг хамгаалах, бага насны хүүхдүүдэд гараа тогтмол угаахыг хэвшүүлэх нь зүйтэй гэж мэргэжилтнүүд үздэг. Тиймээс эрүүл мэндийн яамнаас тус өдөрлөгийг зохион байгуулж, зөвлөгөө, зөвлөмж тараах юм байна. Мөн эрүүл мэндийн яамны харьяа эмч нар үнэгүй зөвлөгөө өгөх ажээ.