Холливудын нэрт жүжигчин Дебби Рейнольдсийн биеийн байдал муудаж, Лос-Анжелос хотын эмнэлэгт хэвтэх болсон талаар түүний хэвлэлийн төлөөлөгч мэдээлжээ. Өдгөө 80 настай, нэрт жүжигчин Лос-Анжелосийн “Cedars-Sinai” эмнэлэгт долоо хоногийн турш хэвтэн эмчлүүлэх юм байна. Түүний хэвлэлийн төлөөлөгч  Рейнольдсийн биеийн байдлын талаар дэлгэрэнгүй мэдээлээгүй ч нас өндөр болсон тэрбээр сүүлийн үед хэд хэдэн удаа эмнэлэгт хэвтэн эмчлүүлсэн байна. Түүний дэлхий даяар хамгийн алдартай олон арван бүтээлүүд байдаг бөгөөд тэдэн дундаас 1952 онд үзэгчдийн хүртээл болж байсан найруулагч Жин Келлигийн “Бороонд дуулагч” киног алдартай бүтээлүүдийн нэгд кино шүүмжлэгчид нэрлэдэг байна. Харин Рейнольдс хамгийн сүүлд буюу энэ оны эхээр найруулагч Жулия Анн Робинсоны “One For The Money” киноны шинэ ангид  тогложээ.