Засгийн газраас иргэдтэй шууд харилцах “11-11” төвийн нээлт өнөөдөр 09.20 цагаас болно. Төв ашиглалтад орсноор иргэд засгийн ажилтай холбоотой асуудлаар “11-11” дугаарын утсаар шууд холбогдон, саналаа өгч болно. Бас твиттер, фейсбүүкээр ч мэдээлж болох юм. Болохгүй зүйл байвал гар утсаараа авсан зургаа илгээж болно. Биеэрээ ирж, мэдээлэл өгөх боломж бас бий. Иргэд ийнхүү өнөөдрөөс Засгийн газартай амьд харилцаанд орохоор боллоо.

Иргэдтэй шууд харилцах энэхүү төв Төрийн ордны ард, МУИС-ийн төв байрны баруун тал дахь Иргэдийг хүлээн авах байранд байрлахаар болжээ. Төвийн нээлтэд Ерөнхий сайд Н.Алтанхуяг, Засгийн газрын гишүүд оролцох юм байна.