Устгагдсан дайчдын дунд Умаровын эхнэр байжээ | News.MN

Устгагдсан дайчдын дунд Умаровын эхнэр байжээ

Хуучирсан мэдээ: 2011.04.02-нд нийтлэгдсэн

Устгагдсан дайчдын дунд Умаровын эхнэр байжээ

Ингушетид хийсэн агаарын цохилтын улмаас амь үрэгдсэн лалын салан тусгаалагчдын дайчнын дунд «Кавказийн Имарат»-ын  лидер Доку Умаровын эхнэр байна. Хууль хяналтын байгууллагынхан энэ талаар дөрөвүгээр сарын 1-нд мэдээлжээ. Умаровын эхнэр гэж байгаа эмэгтэйн нэрийг эх сурвалж хэлсэнгүй. Өмнө нь алагдсан дайчдаас Умаровын хувийн эмч Бузуртанов, «Кавказийн Имарат»-ын  лидерийн хоёр орлогч Аслан Бютукаев (Хамзатын амир) ба Супьян Абдуллаев (Улаан Супьян) нарыг таньсан байжээ.

Тусгай ажиллагааг ОХУ-ын хүчнийхэн гуравдугаар сарын 28-нд хийсэн  юм. Тэд эхлээд Ислам ба Илес Яндиевүүдийг баривчилсан байна. Ах дүү хоёр лалын дайчдын нууц лагерийг зааж өгчээ. Чечень, Ингушети, Хойд Осетийн хил орчмын ойн нууц лагерьт амиа золиослогч нарыг бэлтгэдэг байсан гэнэ. Нисэх хүчин лагерьт цохилт өгөн 16 дайчинг устгасан байна. Тэнд яригдаад байгаа 17 дахь хүн нь баазын хангамж хариуцсан Аслан Цечоев гэгч юм. Тэр өдөр түүнийг зэргэлдээ сууринд буудан хороосон байв. Одоо дайчдын 14 цогцос шарил хадгалах газарт байгаа бөгөөд таних аргагүй болсон гурван цогцсыг Москвад генетикийн шинжилгээнд явуулаад байна. «Кавказийн Имарат»-ын  лидер Доку Умаров устгагдсан гэх магадлалыг 75 хувьтай хэмээн хүчнийхэн үзэж байна. Хэрэв тэр алагдсан бол Моква руу илгээсэн гурван цогцос дунд байж магадгүй гэнэ. Сүүлийн жилд Доку Умаровыг устгасан гэх хэвлэлийн мэдээ таван удаа гарч бүгд үгүйсгэгдсэн байлаа.

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

зочин 2011-04-02 202.131.246.131

Хэрвээ Доку Умаровыг устагсан нь үнэн бол Масхадовын үеийн салан тусгаарлагчидын толгойлогч нараас Лондонд байгаа Ахмед Закаев л ганцаараа амьд үлдлээ дээ Тэгээд ямар нэгэн аргаар устгах байх дөө Оросын тусгай албадын гар урт шүү

Avatar

зочин 2011-04-02 202.131.246.131

Хэрвээ Доку Умаровыг устагсан нь үнэн бол Масхадовын үеийн салан тусгаарлагчидын толгойлогч нараас Лондонд байгаа Ахмед Закаев л ганцаараа амьд үлдлээ дээ Тэгээд ямар нэгэн аргаар устгах байх дөө Оросын тусгай албадын гар урт шүү

Avatar

n**** 2011-04-02 202.131.248.128

muusain orosuud yostoi n**** yu daa

Avatar

Монгол цус 2011-04-02 202.179.20.155

Үмхий оросууд бага ястнууд түүний дотор манай татар монголын үр удмыг хяддагаа зогсоохгүй бол ТЭНГЭР тэнэг ивануудыг хүйс тэмтрэх цаг удахгүй ирнэ шүү

NewsMN Гар утасны хувилбар Татах
NEWS.mn

Мэдээллийн эх сурвалж