Эмэгтэй, эрэгтэй хүмүүс адил зүйлсийг өөр өөрөөр хүлээж авдаг. Эрчүүд аливаа юмсыг орон зай талаас нь илүүтэй харж, яг л эвлүүлдэг тоглоом нийлүүлж байгаа юм шиг хардаг бол хүүхнүүд нэг цул маягаар нэгтгэн харж, түүний доторх нарийн зураасыг ч ажиглаж харж чаддаг. Эрчүүд шиг салангид зүйлсийг нийлүүлэн хардаг бол эмэгтэйчүүд хоорондоо уялдаа холбоотой байдлаар хардаг.

Эрчүүдийн анхаарал үр дүнд хүрэх, ахиц дэвшил гаргах, эрх мэдлийг бататгах, уралдаанд ялах зэрэгт чиглэдэг бол хүүхнүүд харилцаа үүсгэх, нөхөрлөл бий болгох, зохицолдоо, уялдаа, хайр дурлал, нэг нэгэнтэйгээ жаргал зовлонгоо хуваалцахад түлхүү анхаардаг. Тэдний хооронд ийм том ялгаа байхад нэг гэрт хамтран амьдарна гэдэг заримдаа байж боломгүй мэт.