Нийслэлийн замын хөдөлгөөнд зохицуулагч хийдэг ХАБ буюу хөдөлгөөний аюулгүй байдлын туслах ажилтнууд дөрвөн сар зохицуулагч хийгээд жолооны курсэд суралцах эрх авдаг гэнэ.  Замын цагдаагийн газраас 2009 оноос хөдөлгөөний аюулгүй байдалд туслалцуулахаар оюутнуудыг сонгон шалгаруулдаг болсон аж. Өнгөрсөн жил зургаан дүүрэг тус бүрт 8-10 оюутан, энэ жил дүүрэг бүрт дөрвөн оюутан ажиллаж байгаа гэнэ. 

Оюутнууд Замын цагдаагийн газартай гэрээ хийж  ажлын таван өдөр хичээлийн бус цагаар ажилладаг бөгөөд дөрвөн сарын турш ажилласны  хөлсөнд жолооны  курсэд  суралцах эрхийн бичиг авдаг юм байна.