Хонг Конгод болсон Рубик шооны Азийн АШТ-д оролцсон У.Төгөлдөр хоёрдугаар шатнаас тэмцээнийг орхижээ. Энэ талаар Монголын оюун ухааны академийн захирал, Ой тогтоолтын ОУ-ын мастер Х.Хатанбаатар facebook хуудсандаа,

“2012.10.07 Тэмцээнд яг сайхан эвлүүлээд байж байтал хүчтэй эргүүлснээс болж Шоо задарч, харамсалтайгаар хасагдлаа. У.Төгөлдөр маань 3-р шатандаа шалгарч чадсангүй. Гэхдээ түүний хувьд мундаг тамирчидтай уулзаж, хангалттай мэдээлэл авч, туршлага судаллаа. Бидний хувьд энэ удаагийн тэмцээнд анх удаа Монгол хүн өрсөлдсөн нь онцлог байлаа. Удахгүй Монголд Рубик шооны Улсын аварга шалгаруулах тэмцээнийг зохион байгуулах болно” хэмээн бичжээ.