Өнөөдрийн байдлаар  Дорнод аймгийн хэмжээнд 41000 тн өвс,  сумын аюулгүй нөөцөд 164 тн өвс бэлтгэсэн бөгөөд төлөвлөсөн хадлангийнхаа 71 хувийг бэлтгээд байна. Хадлангийн ажилд  132 техник ажиллаж, 394 хүн  дайчлагджээ. Мөн  хадлангийн 35 салаа ажиллаж байгаа ажээ. Хадлангийн нэг салаа дунджаар 5-10 мянган боодол өвс хадсан аж. Хадлангийн үеэр  хаман боогч, ачигч, тогооч, тракторын жолооч зэрэг түр ажлын байруудыг  бий болгосон  байна. Зах  зээлд  500 сая төгрөгийн борлуулалт хийгдэж байна гэж Дорнод аймгийн  Хөдөө аж ахуй жижиг дунд үйлдвэрийн газраас мэдээллээ.