Дэлхийн
банкны Монгол дахь салбарын байгаль орчны үнэлгээний зөвлөх Байгаль
орчны менежментийн төлөвлөгөөг боловсруулжээ. Үүнийг Үйлдвэр, хөдөө аж
ахуйн яамны дэргэдэх Мал аж ахуйн маркетинг сайжруулах төслийг
хэрэгжүүлэх нэгж болон түүний хамтран ажиллагч талуудад дэмжлэг үзүүлэх
зорилгоор боловсруулсан байна.

Энэхүү төлөвлөгөөнд Монгол улсад
Мал аж ахуйн маркетинг сайжруулах төсөл /МААМС/ ийг хэрэгжүүлэхэд дагаж
мөрдөх шаардлагатай аюулгүйн зааварчлагуудыг тусгажээ.

Дэлхийн
банкны үйл ажиллагааны бодлого 4.01-ыг даган биелүүлэхтэй холбоотой уг
зааварчлагуудыг МААМС төслийг дэмжигч, хэрэгжүүлэгч, үр ашгийг нь
хүртэгч талуудад зөвлөмж болгож байгаа гэнэ. Түүнчлэн төсөлд хамрагдагч
талууд энэхүү байгаль орчны менежментийн төлөвлөгөөнд тусгасан
шаардлагуудыг өөрсдийн хэрэгжүүлэх аливаа үйл ажиллагаанд дагаж мөрдөх
талаар бүхий л арга хэмжээг авч хэрэгжүүлэх ёстой талаар албаныхан
мэдээлж байна.

Дэлгэрэнгүй тайланг энд дарж үзнэ үү.