“Чацаргана” үндэсний хөтөлбөрийг хэрэгжүүлэх ажлын хүрээнд Монголын чацаргана тариалагч, үйлдвэрлэгчдийн үндэсний холбооноос Хүнс, хөдөө аж ахуй, хөнгөн үйлдвэрийн яам, Дорнод аймгийн Засаг даргын Тамгын газар, Хүнс, хөдөө аж ахуй, жижиг дунд үйлдвэрлэлийн газартай хамтран зохион байгуулж буй чацаргана тариалахыг сонирхогч иргэд, аж ахуйн нэгжийн удирдлага, мэргэжилтнүүдийг хамруулсан сургалт боллоо. Гуравдугаар сарын 24, 25-нд болсон тус сургалтад нийт 150 гаруй чацаргана тариалахыг сонирхогч иргэд оролцсон бөгөөд анхан шатны мэдлэг, гарын авлагатай боллоо.

Шаталсан сургалттай техник технологийн сургууль дээр нэг өдрийн танхимын сургалт, дараагийн өдөр Дорнод бүсийн ХАА-н эрдэм шинжилгээ, үйлдвэрлэлийн төвийн сорилт, туршилтын талбай дахь чацарганы талбайд дадлага, сургалт хийлээ.