-2011 онд боловсролын салбарт олимпиад болон шагнал урамшууллын зардал болох гурван тэрбум төгрөгийг хэрхэн зарцуулах талаар салбарын сайдад асуулга хүргүүлсэн. Зарцуулалтын талаарх нарийвчилсан задаргаа гарсан уу?
-Яг одоогоор бэлэн болоогүй байна. Ажлын хэсэг томилогдоод нарийвчилсан судалгаа гаргахаар ажиллаж байна.
-Задаргааг хэдийд хийж дуусах вэ?
-Өдийд төдийд гэсэн нарийн цаг хугацаа хэлэх боломжгүй. Ямар ч байсан ойрын хугацаанд эцсийн байдлаар тооцож гаргахаар ажиллаж байна.
-Өнгөрсөн онд дээрх зардалд хичнээн төгрөг зарцуулж байсан. Яагаад энэ оны гурван тэрбум төгрөг төсөвлөж, олны анхаарлыг татаад байгаа юм?
-Сүүлийн хоёр жилд энэ хэмжээний зардал төсөвлөгдөж байсан. Яагаад хүмүүсийн анхаарлыг тэгж их татаад байгааг хэлж мэдэхгүй. Аймаг, орон нутаг, нийслэл дүүрэг гээд нэг бүрээр нь тайлан судалгаа хийж байгаа.
Улсын төрөлжсөн олимпиад зохион байгуулах журамд олимпиадын нэгийн даваатай холбогдон гарах зардал, хоёрын даваанд оролцох унааны зардлыг тухайн сургуулийн хичээл практикийн зардалд, хоёрын даваа зохион байгуулах болон үйл ажиллагааны зардал, гурвын давааны зардлыг Боловсрол, соёлын газрын төсөвт зардалд, гурвын даваа болон олон улсын олимпиадтай холбогдон гарах зардлыг боловсролын төвлөрсөн арга хэмжээний зардалд тус тус санхүүжүүлэхээр тусгасан байдаг аж.