Татварын хэлтсийн өдөрлөг болов | News.MN

Татварын хэлтсийн өдөрлөг болов

Хуучирсан мэдээ: 2010.04.12-нд нийтлэгдсэн

Татварын хэлтсийн өдөрлөг болов

Нийслэлийн  Засаг даргын Тамгын газраас төрөөс иргэдэд үзүүлэх үйлчилгээг өргөжүүлэх, түргэн шуурхай, хүртээмжтэй болгох зорилгоор “Ажил танилцуулах өдөр -ийг” сар бүрийн хоёрдугаар долоо хоногийн даваа гаригт  зохион байгуулахыг үүрэг болгожээ. Үүний дагуу Баянзүрх дүүргийн татварын хэлтэс өнөөдөр нээлттэй хаалганы өдөр зохион байгуулж, олон нийтэд ажлаа танилцуулж, тайлангаа тавилаа.
Өдөрлөгийн хүрээнд тус татварын хэлтсийн байранд татвар төлөгчдийн асуултанд хариулах, зөвлөгөө өгөх,  татварын албаны болон хэлтсийн өдөр тутмын үйл ажиллагааг танилцуулах, өнгөрсөн оны ажлын тайлангаа тавих, татвар төлөгчдөөс үйл ажиллагааны үнэлгээ авах зэрэг ажлыг явууллаа.

Баянзүрх дүүргийн татварын хэлтэс нь өнгөрсөн онд гурван шатны төсвийн орлогод  19 тэрбум 827,5 сая төгрөгийг төвлөрүүлж ажиллажээ. Мөн тус  татварын хэлтсийн  байрыг иж бүрэн засварлаж, тоног төхөөрөмжийг шинэчлэн сайжруулах ажил явуулсан нь нийслэлийн 370 жилийн ойг угтсан бүтээлч ажлаар шалгарсан байна.

Д.Гэрэлээ

0 сэтгэгдэл

News.mn сайтад сэтгэгдэл оруулахад анхаарах зүйлс

NewsMN Гар утасны хувилбар Татах
NEWS.mn

Мэдээллийн эх сурвалж