Хөвсгөл аймгиин Хатгал тосгоны “Сагсагын бор өвөр” хэмээх газарт энэ сарын 4-9-ны өдрүүдэд Монгол Улс Оросын холбооны улсын иргэний нисэхийн эрэн хайх, авран туслах ажиллагааны “SAREX-2012” сургалт хоёр дахь удаа зохиогдлоо. Энэ удаагийн хамтарсан сургалтад цагдаагийн байгууллагаас Нийгмийн хэв журам хамгаалах газрын Захиргааны удирдлагын хэлтсийн даргын үүрэг гүйцэтгэгч цагдаагийн дэд хурандаа Н.Баярмагнайгаар удирдуулсан Нийгмийн хэв журам хамгаалах газар, Иргэний агаарын тээврийн цагдаагийн хэлтэс, Хөвсгөл аймгийн Засаг даргын дэргэдэх цагдаагийн газрын бие бүрэлдэхүүн амжилттай оролцоод иржээ.