Канад улс Ирантай дипломат харилцаагаа таслан дипломатуудынхаа аюулгүй байдлын үүднээс Тегеран дахь Элчин сайдын яамаа хаажээ.  Тус улсын Гадаад хэргийн яамны мэдээгээр дипломатууд нь Иранаас бүрэн гарсан ба тав хоногийн дотор Ираны  дипломатууд Канадаас гарах ёстой. Консулын тусламж хэрэгтэй канадчуудад Анкара дахь Консулын газарт хандахыг зөвлөсөн байв. Хоёр улсын давхар харъяалалтай хүмүүсийг Тегеран хүлээн авдаггүй учраас Оттава тэдэнд хүнд нөхцөлд туслан консулын тусламж үзүүлэх аргагүй болсоныг Канадын эрх баригчид сануулжээ.

“Ираны дэглэм нь Ассадын дэглэмд тусламжаа нэмэгдүүлэн өөрийн цөмийн хөтөлбөрийн талаар НҮБ-ын тогтоолыг дагахаас татгалзаж байна. Тус улс Израилийн оршин тогтноход байнга заналхийлж, хоморголон устгахад уриалж иржээ. Мөн тус орон хүний эрхийг зөрчигч орнуудын тоонд багтдагаас гадна алан хядагчдын бүлэглэлүүдийг дэмжин орогнуулж байгаа зэргээс Канадын Засгийн газар Ираныг террористуудыг ивээн тэтгэгч орнуудын тоонд оруулж байна. Мөн Иран Венийн конвенцийг сахихгүй дипломат ажилтнуудын аюулгүй байдлыг хангадаггүй” гэж Канадын мэдэгдэлд өгүүлжээ.

Өнгөрсөн оны арваннэгдүгээр сард Британийн дипломатууд Ираны радикал залуусын эсэргүүцлийн ажиллагааны дараа Тегеранаас гарцгаасан юм. Нэгдсэн вант улсын Элчин яам өнөөг хүртэл хаалттай хэвээр байна.