Лондонгийн олимпийн зохион байгуулах хорооны мэдэгдсэнээр ирэх жил болох зуны 30 дахь удаагийн олимпийн наадмын үеэр Лондон хотын метро уртасгасан цагаар ажиллах гэнэ. Тодруулбал, Лондонгийн олимпийн үеэр тус хотын метро шөнийн 02.00 цаг хүртэл зорчигчдод үйлчлэх юм байна. Энгийн үед Лондонгийн метро 01.00 цагт зогсдог ажээ. Түүнчлэн оройн цагаар зүүн Лондонгоос нэмэлт галт тэрэгнүүд үйлчлэх гэнэ.