УИХ-ын Байгаль орчин, хүнс хөдөө аж ахуйн байнгын хорооны хуралдаан өнөөдөр 08.30 цагт зарлагдсан бөгөөд төсвийн тодотголоос эхлээд дэд хорооны даргыг сонгох асуудлыг хэлэлцэн шийдвэрлэх ёстой байсан ч хойшлогдлоо. Шалтгаан нь байнгын хорооны хуралдаанд оролцох ёстой гишүүдийн ирц бүрдээгүйтэй холбоотой юм.

Төрийн байгууллагын ажил 08.00 цагаас эхэлж байхаар шийдвэр гарсан ч УИХ-ын гишүүдийн хувьд түүнийг нь биелүүлнэ гэдэг амаргүй даваа бололтой. Dайнгын хорооны анхны хуралдаан 08.30 цагт зарлагдахад ирэхгүй байгаа гишүүд 08.00 цагт ажлаа эхэлнэ гэвэл бүл лөөлөө юм шиг.

Ямар ч байсан УИХ-ын Байгаль орчин, хүнс хөдөө аж ахуйн байнгын хорооны хуралдааныг маргааш дахин зарлах болж байна.