УИХ-ын Тамгын газар, Парламентийн сэтгүүлчдийн холбоо хамтран өнөөдөр 10.00 цагаас “Парламентийн сэтгүүлчдийн тулгамдсан асуудал, шийдвэрлэх арга зам” сэдэвт бага хурлыг Төрийн ордонд зохион байгуулахаар болжээ.

Уг хуралдаанд УИХ дахь нам бүлгийн ахлагчид, УИХ-ын Байнгын хороодын дарга, УИХ-ын Тамгын газрын удирдлагууд, Байнгын хороодын ажлын албаны төлөөлөл, Парламентийн сэтгүүлчдийн холбооны удирдах зөвлөлийн гишүүд болон судлаачид, төрийн бус байгууллагын төлөөлөгчид оролцох бөгөөд тодорхой сэдвүүдээр илтгэл тавьж хэлэлцүүлэх аж.