Туркийн Истанбул хотноо Дэлхийн шатрын 40-р олимпиад үргэлжлэн явагдаж байна. Манай улсын эрэгтэй баг 150 орноос 56-д, эмэгтэй баг 120 орноос 21-т эрэмбэлэгдсэн.

Өчигдөр тэмцээний зургадугаар өргийн тоглолт болж эрэгтэй баг Афганистаны багийг 4:0, эмэгтэй
баг Болив улсын бүсгүйчүүдийг 4:0-р буулган авсан байна. Долдугаар өрөгт эрэгтэй баг Зимба улсын, эмэгтэй баг Казакстаны шатарчидтай оноолт таарчээ.

Зургаан өргийн дараах байдлаар эмэгтэй баг Туркийн 2-р баг, Англи, Швед, Боливи улсын багийг хожиж, ОХУ, Азербайжаны багт хожигдсон амжилтаар 22-р байрт, эрэгтэй шатарчид Фижигийн арал, Австрали, Афганистаны багийг хожиж, АНЭУ-ын багтай тэнцэн, Канад,
Молдавын багт хожигдсон амжилтаар 56-р байрт явна.

Есдүгээр сарын 3 (Зургадугаар өрөг)

Эрэгтэй баг: Афганистан-Монгол (0:4)

Эмэгтэй баг: Монгол-Боливи (4:0)

Өчигдрийн сонирхолтой тоглолтуудын нэг болох нэг ч хожигдолгүй явсан ОХУ, Армений хооронд болж тэнцээгээр өндөрлөсөн бол, ОХУ, Хятад бүсгүйчүүдийн тулаан мөн тэнцээгээр өндөрлөсөн байна.

Эрэгтэй баг: ОХУ-Армени (2:2)


Эмэгтэй баг: БНХАУ-ОХУ (2:2)

Есдүгээр сарын 9-ны өдөр 11 дэх өргийн тоглолт болж 40-р олимдиадын медальтнууд тодорно.