Шотландын Эдинбургийн Их сургуулийн эрдэмтэд Конкук болон Сөүлийн Их сургуулийн эрдэмтэн судлаачидтай хамтарч MP3, смартфон, камер зэрэг хэрэгслүүдэд зориулсан санах ойн чадамжийг сайжруулах төхөөрөмж бүтээсэн байна.

Энэхүү төхөөрөмж нь мэдээллийг техникийн сигнал болгон хувиргадаг бичил механик гартай бөгөөд энгийн санах ойн төхөөрөмжүүдтэй харьцуулахад маш бага эрчим хүч зарцуулж, илүү хурдан ажиллах боломжтой гэнэ. Уг төхөөрөмж нь нано хоолойгоор дамжиж буй электродыг хэмжиж мэдээллийг хадгалдаг ажээ. Ийнхүү энгийн хэрэгслүүдтэй харьцуулахад илүү хурдтай ажиллах санах ойн төхөөрөмжийг бүтээсэн нь эрдэмтдийн хувьд нэгэн том нээлт боллоо.