Нийслэлийн Авто замын газар, Газрын алба хамтран "Нарантуул" ОУХТ-ийн урд уулзвараас Чулуун овооны уулзвар хүртэлх зам дагуух хашаа, чингэлэг, сурталчилгааны самбаруудыг буулгаж эхэлжээ.

Учир нь тус авто замд 18 метр зорчих хэсгийн өргөнтэй, тус бүр гурван метрийн өргөнтэй явган хүний хоёр замын ажлыг гүйцэтгэхээр төлөвлөсөн байгаа юм. Уг замын зурагт 60 гаруй аж ахуйн нэгжийн хашаа, чингэлэг, самбар зэрэг обьектууд орсон байна.

Дээрх хоёр км авто замын өргөтгөл, шинэчлэлтийн ажлыг "Эрдэнэ зам" ХК гүйцэтгэж байна.