Оны эхний хагас жилд Сэлэнгэ аймгийн хэмжээнд 188 иргэнийг нарийн мэргэжил олгох сургалтанд хамруулж, 52 иргэнийг ажилд зуучилж, Хөдөлмөр эрхлэлтийг дэмжих сангаас 28,6 сая төгрөг зарцуулсан байна. 2011-2012 хичээлийн жилд Мандал, Шаамар, Сүхбаатар сумын МСҮТ-дэд 101 оюутан сантехник, цахилгаан, хүнсний ногооны фермер, гагнуурчин, барилгын засал чимэглэлч, жолооч зэрэг мэргэжлээр амжилттай суралцаж, 60 хувь нь ажлын байраар хангагдсан аж. Ажил олгогчоос ирүүлсэн 391 ажлын байранд 375 иргэнийг ажилд зуучилсан байна.