Дорнод аймгийн гадаад харилцаа нийгэм, эдийн засгийн салбарт жилээс жилд өргөжин хамтын ажиллагаагаа хөгжүүлж байна. Энэ хүрээнд БНХАУ-ын Хар мөрөн мужийн Цицигарын их сургуулийн гадаад харилцаа, олон улсын хамтын ажиллагааны дээд сургуулийн захирал Гуо Ханжү нарын төлөөлөгчид энэ сарын 12-15-ны өдрүүдэд Дорнод дээд сургуульд ажлын айлчлал хийлээ.

Нэгдүгээр сараас эхлэн Дорнод дээд сургуулийн оюутнууд Цицгарын их сургуульд гурван сарын дадлага хийж байгаа бөгөөд цаашид харилцан оюутан сургах дадлагжуулах асуудлаар үйл ажиллагааг улам өргөжүүлэн ажиллах талаар талууд харилцан тохиролцлоо.

Энэ үеэр Дорнод аймагт ажлын айлчлал хийж буй дээрх төлөөлөгчдийг Аймгийн Засаг даргын тамгын газрын Нийгмийн хөгжлийн хэлтсийн дарга тэргүүтэй төлөөлөгчид хүлээн авч уулзан, хоёр сургуулийн хамтын ажиллагааг дэмжиж цаашид төрөл бүрийн мэргэжлээр Зүүн бүсийн аймгуудаасаа иргэдийг суралцуулах талаар санал солилцжээ.